شرح لعبة world of warcraft

[moka]

الحمد لله وصلنا لأن انت خلاص عملت الشخصية و اتكيت Enter world و اللعبة حملت و اتفرجت على الفيديو :D
اول صورة هتشوفها فى اللعبة هى دى و انا علمت على الحاجات المهمة اللى لازم تعرف دول فايدتهم ايه عشان تعرف تتعامل معاهم .. الشخصية دى Night elf Rogue فاديك لو بسلالة تانية المكان هيختلف بس نفس شكل الinterface برضه



1- الشخصية بتاعتك : الأسم و اللفل و ال HP bar و ال MP bar بس الشخصية دى rogue بدل ال mp عنده energy الشكل مش هتفرق غير فى اللون .. ال mp لونه ازرق
2- الخريطة المصغرة : هتلاقى فيها اسم الحتة اللى انت فيها .. zoom in/out .. الهلال ده معناه انك بالليل ( بالنهار هيبقى شمس اكيد :D ) و اليوم 24 ساعة يعنى لو انت بتدخل بالليل بس و مبتلعبش يالنهار مش هتشوف الشمس .. و لو انت بتلعب بالنهار بس مش هتشوف الليل و منظر الغروب و الشروق تحفة
3- quest giver : ده اللى هيديك اول كويست
4- chat window : و دى فيها بهاريز كتير احلى حاجة فيها emotes اللى ممكن تضحك و تعيط و ترقص و تنام و تصقف و تعاكس مزز و حاجات كتيييير .. اكتشفها بنفسك و انت هتتبسط اوى
5- skill bar : ده اللى بتحط فيه اسكيلاتك زى سيلك .. ممكن تدخل على ال interface menu ( اتك Esc هتلاقى interface options ) و فيها ممكن تزود بارات زى مانت عاوز لحد ما تملى الشاشة :D
6- الشنط : و ممكن تشيل لحد 5 شنط .. اكبر شنطة 16 مكان و اصغر شنطة 6 اماكن و بتبدأ بشنطة 16 مكان
7- latency : و ده اللى بيقولك ال ping بينك و بين السيرفر كام .. كل ما يكوت الرقم اصغر كل ما كان افضل .. لما البار يكون اخضر معناه latency قليل .. اصفر نص نص .. احمر يعنى لاااااج :D
8- character window : و ممكن تفتحها بأنك تتك على حرف c و دى هتلاقى فيها اللبس و الأسلحة اللى انت مستخدمهم و هتلاقى صفات الشخصية و حاجات من دى
9- skill book : حرف p .. اى سكل معاك هتلاقيها فى الكتاب ده .. لو عاوز تستخدم سكيل اتك right click .. لو عاوز تنقلها لل skill bar اتك عليها left click و حطها فى الحته اللى انت عاوزها
10- quest log : حرف L .. و ده هتلاقى فيه كل الكويستات اللى معاك بشرحها
11- social : حرف O .. فيها اصحابك و الجيلد بتاعك
12- raid options : و دى موجودة فى WOW TBC بس و مش وجودة فى النسخة القديمة .. استخدامها انك تحجز حته من الحتت اللى فيها دروبات كتير و بيبقى فيه طابور عشان النظام حلو برضه :D .. على السيرفرات المجانية مش هتحتاجها لأن اصلا الدنيا فاضية هتحجز ليه ؟؟ :D
13- main menu : هى نفسها لو اتكيت Esc مش هتفرق
14- help : دى استخدمها على السيرفر الأصلى انك تطلب مساعدة و غالبا هتلاقة GM نطلك زى العفريت :D

[moka]

ده كده حلو اوى ...
ندخل بأه فى القتل .. ده الكلام المفيد :D



1- دى بيانات الوحش .. اسمه و لفله و رقم تليفونه :D
الأسم مكتوب بالأصفر و ده معناه انه مش هيهاجمك إلا لو انت هاجمته الأول
لو الأسم بالأحمر ابقى خد بالك و انت معدى من جنبه عشان ميعوركش :D
2- ده الكويست اللى شغال .. بيعرفك انت وصلت لحد فين فيه .. شايفين المطلوب اقتل كام وحش ؟؟ اغلب الكويستات بتلعب فى العدد ده و قليل لما العدد يزيد عن 20 وحش

[moka]

نكمل شرح ال talents
لما توصل لفل 10 بيطلعلك حاجة جديدة فى ال bar اللى تحت و هى ال talents points اللى مشاور عليها بالسهم الأهلاوى ده :D



ده لما بتتك عليه بيفتحلك talent window و فيها هيقلك انت معاك كام talent point و حاططهم فى ايه .. انظر الشكل




1- عدد ال talent points أللى انت حاططها فى ال skill tree دى
2- عدد ال talent points اللى مستخدمتهومش .. انا مخلص كلو طبعا :D
3- ال trees اللى متاحة للكلاس ده .. طبعا كل كلاس له trees مختلفة
الtalents points ملهاش اى قيود حطها زى مانت عاوز على حسب مزاجك الشخصى

[moka]

كده المفروض انك دخلت اللعبة و عملت شخصية و اخدت كويستات و عليت لفلات و اتعلمت سكيلات ... تات تات :D :D
لما بتعلى شوية فى اللفل ممكن تتعلم مهنة ( profession ) اهو شغلانه تطلع بيها سبوبة حلوة :D
فى مهن اساسية ( primary profession ) و فى مهن ثانوية ( secondary profession ) انت ممكن تتعلم 2 مهنة اساسية فقط و ممكن تتعلم اى عدد من المهن الثانوية
طب ايه فايدة المهن دى اصلا ؟؟؟
دى ممكن تعمل بيها اللبس بتاعك و الأسلحة بتاعتك و تعمل potions و تعمل alchemy و تطبخ و تصطاد سمك و تعمل اسعافات اولية ... و فى رايى الشخصى اللى اهم من كل ده انها بتخرجك من مود اللفل اب و الجولد و الضرب و الحوارات دى .. بتقضى وقت لذيذ و انت مريح نفسك و بتحس انك بتعمل حاجة بتستفيد بيها
انا شايف انها روح اللعبة دى

طيب نبدأ مع المهن الأساسية : ( الترتيب ابجدى )

1- Alchemy : ( الكيمياء )
مهنة بتخليك تحول الأعشاب الطبيعية لبوشن تستفيد بيها .. البوشن مش بس اللى تملى ال hp و ال mp .. لا فى بوشن بتزود الarmor بتاعك و بوشن يخليك تختفى و حاجات كده
ممكن تاخد المهنة دى وسيلة للربح السريع بإنك تقعد تعمل بوشن و تبيعه بفلوس .. هتكسب جامد و هتعلى السكيل بتاعت الalchemy
كل ما تعلى السكيل بتخليك ممكن تتعلم حاجات جديدة تعملها
طيب الأعشاب الطبيعية تجيبها منين ؟؟
ممكن لاقيها فى بعض الوحوش و ممكن تشوف حد متعلم مهنة جمع الأعشاب الطبيعية و تشترى منه الأعشاب اللى بيجمعها .. الأفضل انك تاخد المهنة الأساسية التانية هى مهنة جمع الأعشاب ( herbalism )
لما بتقتل وحوش عالية ممكن تلاقى فيهم receipt ( مخطوطة ) لما بتفتحها بتعلمك حاجة جديدة .. و ممكن تاخدها كجايزة فى كويست .. ده غير اللى هتتعلمه اصلا من عند الترينر

لو عاوز تتعلم المهنة دى دور على npc مكتوب فوق دماغه Alchemy trainer ده هتلاقيه فى كل المدن الكبيرة .. اتك عليه و اتعلم


2- Blacksmithing : ( الحدادة )
مهنه تخليك تصنع الدروع و الأسلحة .. بتاخد المعادن المختلفة و تروح تعمل الأسلحة و الدروع ..
نفس الكلام بتاع ال alchemy كل لما تعمل المهنة دى بتعلى السكي بتاعت المهنة و بالتالى تتعلم حاجات جديدة تتعلمها
المعادن ممكن تلاقسها فى بعض الوحوش او ممكن تدرو على لاعب اخر معه مهنة المناجم (mining ) و تشترى منه المعادن اللى جمعها .. و الأفضل انك تتعلم المناجم كمهنة اساسية تانية

برضه تشوف ال npc اللى مكتوب عليه blacksmithing trainer و تتعلم منه

3- Enchanting :
و دى اصعب و اغلى مهنة فى اللعبة .. دى اللى بتخليك تزود قدرات الأسلحة و اللبس ( حاجة زى ال alchemy فى سيلك )
عشان تقدر تزود مميزات على الحاجة لازم يكون معاك المواد الخاصة اللى تعمل بيها ال enchanting .. المواد دى يا اما تشتريها من npc بتمن غالى جدا او تكسر الأسلحة و اللبس اللى بتلاقيه عشان تاخد المواد اللى هتطلعلك منه .. فى الحاجة دى هتخسر تمن الحاجة اللى كنت ممكن تبيعها .. فعشان كده هى مهنة مكلفة .. مهمة جدا بس مش اى حد بياخدها


4- Engineering :
مهنة جميلة و مرحة .. تقدر تصنع حاجات غريبة تستخدمها فى اللعب .. و غالبا بتدهش اللاعيبين لاحاجت الغريبة اللى بتعملها .. بيقدروا يعملوا متفجرات و مناظير تستخدم مع البندقية و تعمل طلقات البندقية و تعمل تنين ميكانيكى يحارب معاك و حاجات كتير ظريفة .. و ممكن تكسب من الحاجت اللى بتعملها دى بأنم تبيعها للاعبين التانيين لأنها غالبا بتبقى حاجات مطلوبة .. اكتر سلالة بتستخدم الهندسة هى gnomes لأنهم اصلا بطبيعتهم اذكياء .. فلو gnome وواخد مهنة الهندسة تكد انك هتشوف حاجت غريبة جدا

5- Herbalism :
مهنة تعتبر اساسية لو عاوز تاخد alchemy .. بتلاقى الأعشاب على الأرض او تحت الشجر او فى الصحرا او على بحيرات المياة .. كل نوع من الأعشاب له استخدام و له اماكن معينة تلاقيه فيها .. اكتر سلالة بتعلى ال Herbalism هى ال night elf و هى صورة لاعب بيجمع عشب



ممكن تاخد ال herbalism من غير ما تكون المهنة التانية alchemy و تبيع الأعشاب اللى هتلمها .. مكسب مش بطال برضه :D

6- Jewelcrafting : ( موجودة فى the burning crusade فقط )
و هى مهنة عمل الخواتم و الحلقان بواسطة الأحجار الكريمة اللى هتلاقيها .. مهنة مفيدة اكتر للفلات العالية .. و هى مهنة ممتعة .. تعملك خاتم الماظ تكسب فيه قرشين حلوين :D

7- Leatherworking :
تاخد انواع الجلود المختلفة و تعمل بيها دروع من ال leather ,, mail تلبسها او تبيعها .. مهنة مفيدة بدون اى شك للاعبين اللى بيلبسوا leather او mail زى hunter ,, druid ,, rogue ,, shaman
هتحتاج انواع من الجلود اللى مش هتلاقيها إلا لما تسلخ جلد الوحش .. و بالتالى الطبيعى انك تكون متعلم مهنة ال skinning معاها عشان تسلخ الجثة و تعملها منطلون جلد حلو كده تتمنظر بيه على العيال .. حاجة حلوة خالص :D

8- Mining :
و دى مهنة جمع المعادن .. غالبا بتكون فى المناجم و الكهوف او حوالين الجبال هتلاقيها بالمنظر ده


المعادن اللى هتلاقيها ممكن تستخدمها ( لو معاك مهنة Blacksmthing او engineering ) بتاخد المعدن اللى لاقيته و تروح على فرن صهر معادن و تصهر المعدن ده و تحوله لقطع يمكن استخدامها فى المهن التانية او ممكن تبيعة بفلوس كويسه على حسب اهميته

9- Tailoring :
و هنا بتاخد انواع الأقمشة المختلفة و تحولها للبس .. يعنى تعملك قميص مشجر كده حكاية :D
المهنة ى فى حاجة مهمة جدا ممكن تكسبك فلوس بالهبل و هى صناعة الشنط .. فى ناس بتبقى على استعداد انها تكع مبلغ محترم عشان يشترى شنطة اكبر و لو بمكانين فقط لأن غالبا لما تعلى فى اللفل و تطلع raid بتبقى الدروب كتير و مش هتلاقى حتة تحط فيها الدروب

10- Skinning :
و دى اللى بتخليك بعد لما تقتل وحش تسلخه و تاخد الجلد تستخدمه فى ال leatherworking لنك تعمل حاجات روشة تلبسها .. احيانا الجلد ده بعض الناس اللى معاهم tailoring او blacksmithing او engineering احيانا بيحتاجوه فممكن تبيعلهم و تكسب :D
هتحتاج سكينة سلخ و دى هتشتريها من npc

فى بعض المهن بتكون متوافقة مع بعض و لازم تاخد بالك انك مش هتعرف تتعلم إلا 2 مهنة اساسية فقط .. فمثلا : Mining تاخد معاها Blacksmithing او Engineering
herbalism تاخد معاها alchemy
skinning تاخد معاها Leatherworking
ال enchanting و ال tailoring و ال jewelcrafting مع نفسهم فممكن تدبر اى اتنين منهم مع بعض
و لازم تختار المهن اللى هتفيد شخصيتك .. مثلا لو انت warrior ,, paladin الأفضل تاخد blacksmithing لو mage ,, priest ,, warlock الأفضل تاخد tailoring و هكذا

طب ازاى لما تتعلم مهنة تستخدمها .. اتك حرف p او اتك على شكل الكتاب اللى هتلاقيه فى الbar اللى تحت هتلاقى المهنة اللى اتعلمتها اتك عليها هيفتحلك صفحة فيها كل الحاجات اللى اتعلمتها فى المهنة دى .. بس خلاص

[moka]

هتكلم على حاجة من اكتر الحاجات اللى ميزت wow و هى الخريطة بتاعتها
الخريطة عبارة عن قارتين ( 3 فى TBC expansion )
القارتين موجودين فى ارض azeroth و ده شكلهم مع بعض



القارة الأولى و دى اغلبها تحت سيطرة ال alliance و هى eastern kingdom و ده شكلها
و دى فيها 24 محافظة :D




القارة التانية : Kalimdor و دى اغلبها تحت سيطرة ال horde و دى 20 محافظة :D





و دى خريطة outland (موجودة فى TBC expansion فقط و هى كده كده لازم تكون لفل 60+ عشان تروحها و دى 7 محافظات فقط بس فيهم الشفا :D



الخطوط اللى فى الصور دى هى ال flight paths و دى لنا لقاء تانى لها ان شاء الله

[moka]

طبعا اللى شاف منظر الخريطة اتخض :D
تخيل بأه عشان تروح من مدينة لمدينة .. ربنا يديك الصحة و توصل :D
فأكيد فى طرق للوصول السريع بين المدن
فى كذا نوع من المواصلات :

اشهر و اسرع نوع و هو ال flight paths ( الطرق الجوية ) و زى مهو باين من اسمه انك بتطير بطريقة ما عشان تسافر من مدينة لمدينة .. فى نوعين من المواصلات الطاترة و هم gryphon فى ال alliance و ال wyvern لل horde .. هتلاقى فى كل مدينة npc واحد على الأقل هو اللى بتديله فلوس ينقلك للحتة اللى انت عاوزها و كل ما كانت الرحلة طوية التمن بيزيد .. استغلال .. بس بتبقى رحلات ممتعة جدا و انت بتتفرج على الدنيا من فوق
عيوب وسيلة المواصلات دى انك فى الأول مش هيبقى عندك غير مدينة واحدة بس اللى موجوده على الطرق الجوية .. لازم كل لما تروح مدينة جديدة تدور اول حاجة على ال npc اللى ماسك المطار :D و هتلاقى عليه علامة تعجب خضرا لما تشوفه اول مرة لما تتك عيه هيقولك new flight path discovered و كل لما توسع الشبكة بتاعك بتسهلك الأنتقال بين المدن .. فلازم لما تكون عاوز تروح مدينة لأول مرة تتمشاها .. و عيب تانى انها بتنقلك عند مكان ال npc فلسه هتروح من عند ال npc للمكان اللى انت عاوزه فى المدينه دى


تانى وسيلة هى وسائل المواصت الأرضية و المتمثلة فى الحصان لل humans و النمر لل night elves و الجدى لل dwarves و النعامة الميكانيكية للgnomes و الفيل لل draenei و الذئب للorc و ال kodo لل tauren و الحصان العظمى للundead و الديناصور الصغير للtroll و hawkstrider لل blood elves .. ده بتقدر تستخدمه من اول لفل 40 و بتقدر تروح بيه اى حته و معاك على طول فى الشنطة كل لما تحتاجه قوله بسسسسسسس او شى حاااااااا :D :D :D :D
عيبه انه ابطأ من الطرق الجوية و الوحوش بتجرى وراك و انت راكبه و تمنه الى حد ما غالى شوية .. بس هتدفع مرة واحدة و خلاص

تالت وسيلة و هى مترو الأنفاق :D و دى ما بين stormwind city اللى هى عاصمة ال humans و ironforge عاصمة ال dwaf و ال gnome و ده ببلاش و سريع جدا

رابع وسيلة و هى السفن و دى اللى بتربط القارتين ببعض فى 4 موانى ( 2 فى كل قارة ) مربوطين ببعض عشان تنتقل من قارة للتانية

فى الصور اللى فوق الخطوط اللى باللون البنفسجى دى الطرق الجوية بتاعت ال alliance و اللى باللون الأحمر بتاعت ال horde و اللى باللون الأصفر ده احد الطرق البحرية اللى بتربط القارتين .. الطريق التانى لل alliance قط و هتلاقيه فى مدينة wetlands فى eastern kingdom او dustwallow marsh فى kalimdor

[moka]

ال Hybrid و ال Primary

Hybrid class فى WoW مختلفة عن تعريف Hybrid فى سيلك
فى سيلك كان معنى Hybrid انه مخلط int و str
لا هنا hybrid معناه انه بيقدر يقوم بأكتر من دور
اغلب شخصيات WoW هى ال Hybrid
يعنى مثلا ال Casters هم ال mage ,, warlock و مش بيقدروا يعملوا حاجة تانية
ال Tanker مفيش غير Warrior و مش بيقدر يعمل حاجة تانية
ال Melee dmg dealer مفيش غير ال rogue
دول كده شخصيات مختصة بحاجة معينة فى اللعبة اسمهم primary .. بيكونوا افضل كلاس فى الحاجة دى

ال Hybrid بقى Druid, Priest, Paladin, Hunter, Shaman
كل واحد من ال hybrid بيقدر يقوم بكذا دور مختلفين
مثلا ال Priest ممكن يكون Healer او Caster فى ال Shadow Priest
ال paladin ممكن يكون tanker/healer/melee dmg dealer
ال Hunter ممكن يكون ranged dmg/melee dmg/trapper/off-tanker
ال shaman و ال druid بيقدروا يعملوا كل حاجة فى اللعبة بس مع اختلاف الطريقة و القوة

ال hybrid ممكن يكون عنده حاجة هو ذات نفسه primary فيها
مثلا ال priest رغم انه hybrid بس primary healer
ال druid برضو primary healer
ال hunter بيكون primary ranged dmg dealer
ال shaman, paladin مش عنده primary

السؤال اللى بينط دلوقتى
طالما الشخصيات المختصة بحاجة معينة mage warrior warlock rogue هتبقى اقوى (فى اغلب الأحوال) من ال hybrid يبقى ايه لزمة ال hybrid ؟
ال hybrid قوته انه بيقدر يعمل كذا حاجة بقوة احيانا تكون قريبة من الشخصيات المختصة بالحاجة دى
على سبيل المثال ال paladin رغم انه فى الأصل مش main tanker بس لو مظبط ال talents بتاعته صح هيقدر ينافس ال warrior فى ملعبه و كمان بيقدر يعمل heal/buff ال warrior مش بيقدر

طب لو الموضوع كده ليه مش كل الناس hybrid ؟
لا مهو ال hybrids عامة فيهم مشكلة عويصة اوى
ان قدامك اختيارات كتير .. لازم تختار حاجة تبقى هى الأساسية بتاعتك و بقيت الأختيارات هتبقى backup .. هتختار مين ؟
و برضو معروف ان ال hybrids ابطأ فى التلفيل من ال primary
و ال primary عادة بيكون اسهل فى لعبه من hybrid

طب كده العملية دخلت فى بعضها .. يعنى من الأخر مين احسن ال primary و للا ال hybrid ؟
مفيش حاجة اسمها احسن على طول الخط
هتلاقى واحد متميز على التانى فى حاجة و التانى متميز عن الأولانى فى حاجة
مفيش كلاس مش مهمة .. المهم اللى بيلعب بيها ده عارف بيعمل ايه و للا بيعك الدنيا

[moka]

ال aggro و ال threat

اى ضربة melee او magic او حتى offensive buff فى اللعبة بيكون ليها Threat معين
ال Threat ده هو العمود الفقرى بتاع ال aggro
المفروض و الطبيعى ان ال tanker يبقى له اعلى Threat فى الجروب عشان الوحش ميجريش منو (lose aggro) و فعلا هتلاقى ال warrior عندو عدد كبير من السكيلات مكتوب عليها This skill produce large amount of threat
و برضو بتلاقى عندو سكيلات مكتوب عليها Taunt the target to attack you
السكيلات دى هى الunderwear بتاع ال tanker :D
لو مش بيلعب بيها يبقى لمؤاخدة من غير underwear
المشكلة بقى فى ايه
ان ال Threat بتاع ال magic spell بيبقى عادة اعلى من ال threat بتاع ال melee
فبيحصل الأتى
تلاقى ال warrior فاحت نفسه سكيلات Threat عشان ي maintain ال aggro و كل اما يلم شوية rage يقون فاقع سكيل تزود ال Threat بتاعو
ييجى واحد mage امور ينقى السكيلات اللى ليها اعلى threat عنده و يقعد ي spam
و نظرا لسرعته هيعمل Threat اعلى من ال warrior
يقوم ال warrior ي lose aggro و يلف يقعد يشتم فى ال mage بما لذ و طاب من الشتايم
عادة ال casters هتلاقى عندهم Talents مكتوب عليها reduces Threat of spell XXXX by XX
يعنى مثلا ال mage عندو Talent فى ال fire اسمها burning soul و دى بتقلل ال Threat لكل ال fire spell ب 5% لكل نقطة
كل كلاس تقريبا عندها نوع من ال threat reduction ما عدا ال tankers
ال hunter هو اقل Threat فى اللعبة من غير اى talents فعشان كده هو احسن puller

مفيش حاجة هتقولك السكيل الفلانية بتعمل <رقم> threat
بس اللى ثابت و معروف ان فى علاقة طردية بين الدامج بتاع السكيل و الthreat اللى بتعمله
كل انا يكون الدامج بتاع السكيل عالى يعمل threat اعلى
ده بخلاف ان فى سكيلات بتعمل threat اضافى غير ال threat بتاع الدامج .. غالبا دول هتلاقيهم عند التانكر بس
هتلاقى مواقع كاملة عاملة جداول و حوارات كده
بس الحاجات دى اغلبها جاى بالتجربة و مش لازم يكون الرقم اللى مكتوب هيجيلك بالظبط
الحاجة الوحيدة اللى ثابتة و معروفة هى ال threat reduction
اى caster لازم بكون عامل كل ال threat reduction اللى عنده فى ال talent
و لازم تدى فرصة لل tanker انه يعمل threat عالى و يفرق عن بقيت الجروب
يعنى ميبقاش لسه التانكر رايح للزبون ياخد و يدى معاه فى الكلام يقوم جاى وحد mage مش عامل اى threat reduction يفقع pyroblast من اخر الدنيا (دى اعلى سكيل بتعمل دامج مباشر فى اللعبة يعنى اعلى سكيل دامج مباشر بتعمل threat )
يقوم التانكر يضيع الaggro و غالبا مش هيعرف يغطى على ال mage النووب ده و احتمال كبير ان التانكر هو اللى يموت ال mage و مش هيستنى لما الوحش يموته
على فكرة انا بتكلم كتير عن ال mage عشان ال mage و ال druid دول اكتر اتنين بفهم فيهم