ازاي تقدر تختار الـ mmorpg اللي تناسب امكانياتك ومزاجك

[Knight_Man]

بعد اذنكو حاتكلم معاكم النهاردة علي موضوع مهم شوية ...

كل واحد بيطلع كل يوم بلعبة أونلاين والحق يقال أغلب الألعاب مش وحشة ... بس ماتنفعش تتلعب

لازم الناس كلها تفهم ان ال Online Games في كوريا والصين وماليزيا دخلت مرحلة الاستهبال والسوق السودة !!!

طب ازاي أعرف ايه اللعبة اللي تتلعب وايه اللي ماتتلعبش ؟؟؟

أنا حاقولكو ازاي الواحد يقرر انه يلعب لعبة ولا لأ وبناء علي ايه القرار ده ..

أولا:

مالكش دعوة بأي حاجة بتنزلها الشركة المنتجة للعبة .. بمعني ال Trailers وال Guides وال Screen Shots دول ماتدخلهمش دماغك نهائي وابعد عنهم ... وخلي دايما قدام عينيك وانت بتدور ان كل شركة عاوزة تعمل لعبتها أحسن لعبة ... وزي ما قالو لبس البوصة تبقي عروسة .

ثانيا:

ال Bugs
أول حاجة تعملها انك تدخل ال Google تكتب اسم اللعبة وبعدين Bugs زي مثلا Secret online bugs اللعبة دي شفتلها فيديو علي اليوتيوب أول حاجة عملتها انني كتبت في ال google كدة ... لقيت فيها Bug خصير وهي انك تقدر بطريقة ما انك تضرب الوحوش وان بعيد عنها كمان بتضرب وانت بتجري !!! حاجات من دي

ثالثا:

ال Grinding
برضه وانت لسة في google غير كلمة Bug بكلمة Grindfest وشوف هل اللعبة دي hardcore grinding ولا لأ ... اذا ماكنتش hardcore Grinding زي RFو2moons و Cabal (سرعة في التلفيل) أو الQuests كفاية جدا لأنك تلفل زي Perfect World يبقي عدت المرحلة التانية .. اما اذا كانت فا دي حاتحتاج ملحق ... الملحق في انك تشوف اللي بيتقال عنها ... هل ال Grinding بتاعها ممتع كأمثال Cabal, FlyFF ولا Grinding خنيق ومالوش لازمة زي Silkroad , 9Dragons

ملحوظة : لازم تشوف ال Cap Level الأول بتاع اللعبة يعني لعبة زي RF في واحد كان كاتب بيقول في لفل 50 بتاخد 0.01% من ال mob انا قلت يا نهار اسود وبعدين اكتشفت أساسا انها كلها 50 لفل بس

رابعا:

ال Characters أو ال Classes :
ال Classes تدور عليها دايما في موقع mmosite.com موقع نضيف وبياخد كا حاجة بحياد تام ...
لازم ال Classes يكون فيها فرق بين بعضها وتكون متنوعة
وال Skills علي الأقل يكون ليها شوية Effects يعني مش كل حاجة اسمها بتضرب وخلاص يبقي ايه الفرق منظر سكلات مختلف بس ؟؟ لأ لازم يكون فيه KB و Stuns و حبة حركات من دي

خامسا:

ال gameplay
بعد ما اللعبة ما عدت الاختبارات دي تشوف ال Gameplay بتاعها ... تدخل علي ال youtube وتكتب كمثال RF online Gameplay وشوف اللعب عامل ازاي ... هل حلو ولا وحش والسكلات نظامها ايه ... كدة



طب ازاي أحكم علي ال Gameplay ؟؟؟

1. لازم يكون ال Interface حلو ... يعني لعبة زي Kal Online تحس انك بتلعب لعبة ورق !!!
2. ال Actions ... بمعني لما تضرب وحش تحس ان الوحش بينضرب أو ان فيه Reaction منه مش واقف قدامك ولا كأن حصل له حاجة !!! شوف Rohan Online حتلاقي رغم الامكانيات الكبيرة فشلو في النقطة دي
3. تنوع السكلات ... يعني ف 9Dragons ال Mage أو ال Nuker مهما كان اسمه ... تحس لنه ف كل سكلاته بيخبي ايديه زي ما يكون فيها صرصار مخبيه ومرة واحدة كأنه كدة تف عليك !!! مش منظر سكلات خالص يعني !!
4. Creative ... تحس انك بتعمل حاجة جديدة مش مجرد نموذج لبعض الألعاب التانية !! كمثال لعبة Sword Of The New World اللي عملك نظام اللعب ب 3 شخصيات في وقت واحد
5. الشخصيات تحس بيها ... فيه واحد بيحب شخصيلت خيالية وتلاقي Elf و Dwarf وحاجات عجيبة زي WOW وفيه ناس تحب تعيش في شخصيات حقيقية زي Perfect World و Guildwars

سادسا:

هل اللعبة دي فيها الفرعيات اللي حاتريحك ؟؟
يعني فيه ناس بتحب الألعاب اللي فيها Bosses أو uniques لو بألفاظ سيلكرود وفيه ناس بتحب ال Dungeons أو ال Caves وفيه ناس ماتعرفش تلعب من غير Autopotion (فيه ألعاب مافيهاش Autopotion وفي ألعاب مافيهاش potion آساسا) ... ماتنساش تشوف ال Pets أو ال Summons عاملة ازاي
كمان فيه ناس ماتحبس الزنقة يعني لازم الخرايط تكون كبيرة وملعلعة ... ونظام التحرك Click to move ولا awsd كدة يعني بقي كل واحد يدور ايه اللي يريحه أكتر

سابعا:

نظام ال pvp وال open pk ...
هل ال pvp حلو وبيطول ولا لأ ؟؟؟
وهل اللعبة فيها مناطق open pk زي RF ٌممكم أي حد يضرب أي حد فيها ولا لأ ؟؟

ثامنا:

ال Services
هل ال Services حلوة ولا زبالة زي Silkroad ؟؟
فيه ألعاب زي Sword Of The New World و Perfect World بتضغط علي زرار يجيلك ال GM وفي RF Online في أي War بيقف كذا GM يراقبو الموضوع كله
وفيه ألعاب زي silk زفت نص السيرفر Gold Botter والباقي Bot ومافيش GM قرر لحد دلوقتش انه يظهر ولا يعمل حاجة عدلة ف حياته.

تاسعا وأخيرا:

بعد ما تنزل اللعبة ... افتح ال item mall ودور ... أكيد فيه حاجات بتشاعد في ال leveling وكدة دي مفروغ منها .. انما شوف فيه حاجات حاتميز حد عن التاني في ال pvp ؟؟؟
وخلي دايما قدام عينيك

[king-wael]

موضوعك حلو أوي فعلاً وأنا بدأت أشوف كل النقط دي لم أدور على لعبة لدرحة أني حفظها في ملف ورد علشان لما أدور على الألعاب لأن الواحد فعلاً بيزعل لما تلاقي لعبة 2g أو حتى أقل وتحمل فيها وتطلع في الأخر

[korbika]

موال كبير يا اخ
انا عن نفسى هلعب requiem
بس هى لسه مفتحتش
rf online
اللعبة دى حلوة ولا ايه نظاكها
ومشكور على الموضوع ومقدرين المجهود

[Knight_Man]

المشاركة الأصلية كتبت بواسطة king-wael [فقط الأعضاء المسجلون يستطيعون رؤية الروابط، اضغط هنا للتسجيل]

موضوعك حلو أوي فعلاً وأنا بدأت أشوف كل النقط دي لم أدور على لعبة لدرحة أني حفظها في ملف ورد علشان لما أدور على الألعاب لأن الواحد فعلاً بيزعل لما تلاقي لعبة 2g أو حتى أقل وتحمل فيها وتطلع في الأخر

ألف شكر علي ردك ... وفعلا انا اتخميت في العاب قبل كدة وماقدرش انكر ده ... بس الواحد اتعلم من أخطاؤه :D

المشاركة الأصلية كتبت بواسطة korbika [فقط الأعضاء المسجلون يستطيعون رؤية الروابط، اضغط هنا للتسجيل]

موال كبير يا اخ
انا عن نفسى هلعب requiem
بس هى لسه مفتحتش
rf online
اللعبة دى حلوة ولا ايه نظاكها
ومشكور على الموضوع ومقدرين المجهود

الموال الكيبر ده أسهل من انك تتخم ف لعبة بعد ما تقعد فيها فترة
وبالنسبة ل requiem ودا مش من دماغي دا من الخطوات اللي انت شوفتها فوق انا بقولك ... بعد لفل 20 حاتزهق منها انما قبل 20 ممتعة جدا ... دا بحسب رأي اللي لعبوها قبل كدة .. ودا علي فكرة ذكاء من اللعبة عشان بعد 20 مش حاتبقي سهل تسيبها زي سهولة ما كنت في الأول

أما بالنسبة ل RF دي من أنضف ال F2p mmorpg اللي شفتها ف حياتي واللي تقدر فعلا تقول انها Free بالاضافة ل Sword of the new world و 2moons و Perfect World

بس RF للأسف مش مدعماها TEData

دي الألعاب النضيفة ال F2p اللي أعرفها

اما اللي انا باعمله دلوقتي اني بالعب Perfect World و Sword Of the New Wrold وقت ما يبقي فيه Wars لغاية ما تنزل GuildWars 2

[™LOSTO]

دة على كدة انا كنت تاية:D
فعلا الموضوع هاحفظة فى ملف عندى
انا ماكنتش اعرف اى حاجة من دى غير الscreenshots :D
تشكر يا باشا
وفعلا يستاهل من رايى التثبيت عشان الفائدة تعم الجميع

[IR0n_M0nkey]

اولا مشكور علي الموضوع و بالنسبه ل RF عي فعلا لعبه free بمعني الكلمه و مبتدفعش فيها ولا مليم و انا فيها لفل 45

[maximumhoror]

الف شكر على الموضوع الروعة يا نايت مان .. حقيقى تسلم ايدك
وفعلا كلنا بندور على السكرين شوت وعىل كام فيديو وخلاص المفروض نبحث اكتر بدل ما ننزل احجام غريبة ع الفاضى ونتصدم
عموما انا نزلت برفكت ورلد هية فانتازى ومش وحشة وهجربها وبعد كجةد هنزل تو مونز ورابلز يعنى هنشوف
محتاجك بقى فى برفكت ورلد عيزك تقولى اسمك وفى انهى سرفر عشان مش فاهم اى حاجة غير الكويستات وبعملها بالبركة .. ^_^

[almjrm]

صراحه موضوع حلوووووووووووو مررررررررررررررره

تسلم يدينك

انا ما ابحث ولا شي احمل اجرب يا احذف اللعبه ولا اخليها اذا شفت نفسي فاضي لعبتها

بس اللعبه الي انشديت لها مرررررررررره Guild Wars

وانا الان لفل 18 بكره ان شاء الله لفل 20

ميزه اللعبه تعدد الشخصيات وقوه الجرافيك وكثرت الكوستات وسهوله التلفيل 107 الف تصولك لفل 20

سلك رود لفل 80 لوحده 100 مليون هههههههههههههههههههههههههههههههههه

بعدين Guild Wars الـ pvp متنوعه وبعدين بارتي ما ينفعش الواحد لوحده وهذي متعت اللعبه

وبعدين لو لفيت في جميع الالعاب راح تحصل المتعه في الـ pvp والكويستات فيها متعه شويه

علي شان كذا Guild Wars مركذه 80% علي الـpvp

وهذا من وجهت نظري

[moka]

موضوع ممتاز
للأسف مش هينفع احطه فى الفهرس عشان ده مش موضوع مخصوص بلعبة معينة





الموضوع مثبت طول ما هو شغال :D

[Knight_Man]

المشاركة الأصلية كتبت بواسطة IR0n_M0nkey [فقط الأعضاء المسجلون يستطيعون رؤية الروابط، اضغط هنا للتسجيل]

اولا مشكور علي الموضوع و بالنسبه ل RF عي فعلا لعبه free بمعني الكلمه و مبتدفعش فيها ولا مليم و انا فيها لفل 45

فعلا وانا كنت ناوي أحط شرح ليها من زمان بس مابقتش عارف ألعبها بعد ما غيرت ل TEDate
بالمناسبة انا لفل 50 Summoner - Grazier
لو محتاج شرح لكويستات أو ي حاجة انا ف الخدمة

المشاركة الأصلية كتبت بواسطة maximumhoror [فقط الأعضاء المسجلون يستطيعون رؤية الروابط، اضغط هنا للتسجيل]

الف شكر على الموضوع الروعة يا نايت مان .. حقيقى تسلم ايدك
وفعلا كلنا بندور على السكرين شوت وعىل كام فيديو وخلاص المفروض نبحث اكتر بدل ما ننزل احجام غريبة ع الفاضى ونتصدم
عموما انا نزلت برفكت ورلد هية فانتازى ومش وحشة وهجربها وبعد كجةد هنزل تو مونز ورابلز يعنى هنشوف
محتاجك بقى فى برفكت ورلد عيزك تقولى اسمك وفى انهى سرفر عشان مش فاهم اى حاجة غير الكويستات وبعملها بالبركة .. ^_^

قشطة
انا اسمي SantaSoul بس مش داخل النهاردة بكرة حابقي موجود من 9 الصبح ل 2 الضهر
ولو فيه اي سؤال عن الكويستات اسأل هنا ماتخافش حاجوبك برضه
وخلي بالك لما تزود ال Stats ال Str مش بتزود ال Defense ولا ال HP

المشاركة الأصلية كتبت بواسطة almjrm [فقط الأعضاء المسجلون يستطيعون رؤية الروابط، اضغط هنا للتسجيل]

صراحه موضوع حلوووووووووووو مررررررررررررررره

تسلم يدينك

انا ما ابحث ولا شي احمل اجرب يا احذف اللعبه ولا اخليها اذا شفت نفسي فاضي لعبتها

بس اللعبه الي انشديت لها مرررررررررره Guild Wars

وانا الان لفل 18 بكره ان شاء الله لفل 20

ميزه اللعبه تعدد الشخصيات وقوه الجرافيك وكثرت الكوستات وسهوله التلفيل 107 الف تصولك لفل 20

سلك رود لفل 80 لوحده 100 مليون هههههههههههههههههههههههههههههههههه

بعدين Guild Wars الـ pvp متنوعه وبعدين بارتي ما ينفعش الواحد لوحده وهذي متعت اللعبه

وبعدين لو لفيت في جميع الالعاب راح تحصل المتعه في الـ pvp والكويستات فيها متعه شويه

علي شان كذا Guild Wars مركذه 80% علي الـpvp

وهذا من وجهت نظري

العفو ...

وفعلا Guildwars من الألعاب القليلة اللي حققت تقريبا كل اللي فوق (ماعدا موضوع ال potion) بس آساسا سرعة رجوع ال hp وال mana بتغنب عن الموضوع ده

كمان انا مش مفضل فيها موضوع ال 1Vs1 PVP بحس انه علي رأي ماكسي مش قد القاعدة بتاعتي

[Knight_Man]

المشاركة الأصلية كتبت بواسطة moka [فقط الأعضاء المسجلون يستطيعون رؤية الروابط، اضغط هنا للتسجيل]

موضوع ممتاز
للأسف مش هينفع احطه فى الفهرس عشان ده مش موضوع مخصوص بلعبة معينة





الموضوع مثبت طول ما هو شغال :D

ولا يهمك يا حبي ... والله انا حتي مافكرتش في موضوع التثبيت والحاجات دي

انا قلت أهي حاجة تفيد حطها يا واد في المنتدي وبلاش بخل

وعلي العموم ألف شكر علي التثبيت وانتظر الشروحات ان شاء الله

[SeaStorm]

فعلا موضوع جميل جدا وخلاني افكر في حاجات مكنتش بفكر فيها خاااالص

[maximumhoror]

الحمد لله ربنا نجدنى بواد جدع شرحلى ازاى اطير بالجناح وازاى اتعلم سكلات وازاى وازاى وقالى ازود فى اية كمان انا
elf priest بزود فى ال CoN وفى ال INT بس
للاسف كنت بزود استرنس اتنين نقطة والباقى كلة واحد نقطة ( مفكرها سلك رود انت واستر ) ^_^
لكن ظبت الحمد لله والكويستست سهلة ومش وحشة انا عايز بس واحد يكون معايا فى اللعبة عشان مملش والواد الى اتصحبت علية دة لفل 22 ومش فاضيلى ومش هيفضل ماشى ورايا ومتابعنى كدة على طول
بقلك بالنسبة بقى للبوشنز فية شحن اتوماتك ؟ ولا اية ؟ ولا هقضيها بايدى ؟
انا مش عاملى مشكلة فين وفين عبال ما ال مانا اول الدم يقلو بس بردو !

[فريدالمصرى]

والله موضوعك قمه فى الروعه بجد لك منى الف تحيه
بس مشكلتى انا نفسى مش عار العب ايه انا عجبتنى كابال

جدا جدا بس للاسف مش لمصر يعنى كل اما العبها كام يوم
اخد بلوك وهاكذا انتو ايه رايكو يا شباب العب ايه بس تكون
لعبه فرىىىىىى اهو نجرب وياريت نكون معا بعض فى اى لعبه جديده

[mohamed5910]

الموشوع روعة و الله و شكراً